Mandalas 9 - (1108 verses)
नवम मंडल — सोम पवमान
114 सूक्त। ऋग्वेद का एकमात्र मंडल जिसके सभी सूक्त एक ही देवता — सोम — को समर्पित हैं। सोम — वैदिक संस्कृति का रहस्यमय पौधा, जिसका रस यज्ञों में अर्पित होता था।
Mandala 9 · Verse 1
svādiṣṭhayā madiṣṭhayā pavasva soma dhārayā | indrāya pātave sutaḥ
Mandala 9 · Verse 2
rakṣohā viśvacarṣaṇir abhi yonim ayohatam | druṇā sadhastham āsadat
Mandala 9 · Verse 3
varivodhātamo bhava maṁhiṣṭho vṛtrahantamaḥ | parṣi rādho maghonām
Mandala 9 · Verse 4
abhy arṣa mahānāṁ devānāṁ vītim andhasā | abhi vājam uta śravaḥ
Mandala 9 · Verse 5
tvām acchā carāmasi tad id arthaṁ dive-dive | indo tve na āśasaḥ
Mandala 9 · Verse 6
punāti te parisrutaṁ somaṁ sūryasya duhitā | vāreṇa śaśvatā tanā
Mandala 9 · Verse 7
tam īm aṇvīḥ samarya ā gṛbhṇanti yoṣaṇo daśa | svasāraḥ pārye divi
Mandala 9 · Verse 8
tam īṁ hinvanty agruvo dhamanti bākuraṁ dṛtim | tridhātu vāraṇam madhu
Mandala 9 · Verse 9
abhī3mam aghnyā uta śrīṇanti dhenavaḥ śiśum | somam indrāya pātave
Mandala 9 · Verse 10
asyed indro madeṣv ā viśvā vṛtrāṇi jighnate | śūro maghā ca maṁhate
Mandala 9 · Verse 1
pavasva devavīr ati pavitraṁ soma raṁhyā | indram indo vṛṣā viśa
Mandala 9 · Verse 2
ā vacyasva mahi psaro vṛṣendo dyumnavattamaḥ | ā yoniṁ dharṇasiḥ sadaḥ
Mandala 9 · Verse 3
adhukṣata priyam madhu dhārā sutasya vedhasaḥ | apo vasiṣṭa sukratuḥ
Mandala 9 · Verse 4
mahāntaṁ tvā mahīr anv āpo arṣanti sindhavaḥ | yad gobhir vāsayiṣyase
Mandala 9 · Verse 5
samudro apsu māmṛje viṣṭambho dharuṇo divaḥ | somaḥ pavitre asmayuḥ
Mandala 9 · Verse 6
acikradad vṛṣā harir mahān mitro na darśataḥ | saṁ sūryeṇa rocate
Mandala 9 · Verse 7
giras ta inda ojasā marmṛjyante apasyuvaḥ | yābhir madāya śumbhase
Mandala 9 · Verse 8
taṁ tvā madāya ghṛṣvaya u lokakṛtnum īmahe | tava praśastayo mahīḥ
Mandala 9 · Verse 9
asmabhyam indav indrayur madhvaḥ pavasva dhārayā | parjanyo vṛṣṭimām̐ iva
Mandala 9 · Verse 10
goṣā indo nṛṣā asy aśvasā vājasā uta | ātmā yajñasya pūrvyaḥ
Mandala 9 · Verse 1
eṣa devo amartyaḥ parṇavīr iva dīyati | abhi droṇāny āsadam
Mandala 9 · Verse 2
eṣa devo vipā kṛto 'ti hvarāṁsi dhāvati | pavamāno adābhyaḥ
Mandala 9 · Verse 3
eṣa devo vipanyubhiḥ pavamāna ṛtāyubhiḥ | harir vājāya mṛjyate
Mandala 9 · Verse 4
eṣa viśvāni vāryā śūro yann iva satvabhiḥ | pavamānaḥ siṣāsati
Mandala 9 · Verse 5
eṣa devo ratharyati pavamāno daśasyati | āviṣ kṛṇoti vagvanum
Mandala 9 · Verse 6
eṣa viprair abhiṣṭuto 'po devo vi gāhate | dadhad ratnāni dāśuṣe
Mandala 9 · Verse 7
eṣa divaṁ vi dhāvati tiro rajāṁsi dhārayā | pavamānaḥ kanikradat
Mandala 9 · Verse 8
eṣa divaṁ vy āsarat tiro rajāṁsy aspṛtaḥ | pavamānaḥ svadhvaraḥ
Mandala 9 · Verse 9
eṣa pratnena janmanā devo devebhyaḥ sutaḥ | hariḥ pavitre arṣati
Mandala 9 · Verse 10
eṣa u sya puruvrato jajñāno janayann iṣaḥ | dhārayā pavate sutaḥ
Mandala 9 · Verse 1
sanā ca soma jeṣi ca pavamāna mahi śravaḥ | athā no vasyasas kṛdhi
Mandala 9 · Verse 2
sanā jyotiḥ sanā sva1r viśvā ca soma saubhagā | athā no vasyasas kṛdhi
Mandala 9 · Verse 3
sanā dakṣam uta kratum apa soma mṛdho jahi | athā no vasyasas kṛdhi
Mandala 9 · Verse 4
pavītāraḥ punītana somam indrāya pātave | athā no vasyasas kṛdhi
Mandala 9 · Verse 5
tvaṁ sūrye na ā bhaja tava kratvā tavotibhiḥ | athā no vasyasas kṛdhi
Mandala 9 · Verse 6
tava kratvā tavotibhir jyok paśyema sūryam | athā no vasyasas kṛdhi
Mandala 9 · Verse 7
abhy arṣa svāyudha soma dvibarhasaṁ rayim | athā no vasyasas kṛdhi
Mandala 9 · Verse 8
abhy a1rṣānapacyuto rayiṁ samatsu sāsahiḥ | athā no vasyasas kṛdhi
Mandala 9 · Verse 9
tvāṁ yajñair avīvṛdhan pavamāna vidharmaṇi | athā no vasyasas kṛdhi
Mandala 9 · Verse 10
rayiṁ naś citram aśvinam indo viśvāyum ā bhara | athā no vasyasas kṛdhi
Mandala 9 · Verse 1
samiddho viśvatas patiḥ pavamāno vi rājati | prīṇan vṛṣā kanikradat
Mandala 9 · Verse 2
tanūnapāt pavamānaḥ śṛṅge śiśāno arṣati | antarikṣeṇa rārajat
Mandala 9 · Verse 3
īḻenyaḥ pavamāno rayir vi rājati dyumān | madhor dhārābhir ojasā
Mandala 9 · Verse 4
barhiḥ prācīnam ojasā pavamānaḥ stṛṇan hariḥ | deveṣu deva īyate
Mandala 9 · Verse 5
ud ātair jihate bṛhad dvāro devīr hiraṇyayīḥ | pavamānena suṣṭutāḥ
Mandala 9 · Verse 6
suśilpe bṛhatī mahī pavamāno vṛṣaṇyati | naktoṣāsā na darśate
Mandala 9 · Verse 7
ubhā devā nṛcakṣasā hotārā daivyā huve | pavamāna indro vṛṣā
Mandala 9 · Verse 8
bhāratī pavamānasya sarasvatīḻā mahī | imaṁ no yajñam ā gaman tisro devīḥ supeśasaḥ
Mandala 9 · Verse 9
tvaṣṭāram agrajāṁ gopām puroyāvānam ā huve | indur indro vṛṣā hariḥ pavamānaḥ prajāpatiḥ
Mandala 9 · Verse 10
vanaspatim pavamāna madhvā sam aṅgdhi dhārayā | sahasravalśaṁ haritam bhrājamānaṁ hiraṇyayam
Mandala 9 · Verse 11
viśve devāḥ svāhākṛtim pavamānasyā gata | vāyur bṛhaspatiḥ sūryo 'gnir indraḥ sajoṣasaḥ
Mandala 9 · Verse 1
mandrayā soma dhārayā vṛṣā pavasva devayuḥ | avyo vāreṣv asmayuḥ
Mandala 9 · Verse 2
abhi tyam madyam madam indav indra iti kṣara | abhi vājino arvataḥ
Mandala 9 · Verse 3
abhi tyam pūrvyam madaṁ suvāno arṣa pavitra ā | abhi vājam uta śravaḥ
Mandala 9 · Verse 4
anu drapsāsa indava āpo na pravatāsaran | punānā indram āśata
Mandala 9 · Verse 5
yam atyam iva vājinam mṛjanti yoṣaṇo daśa | vane krīḻantam atyavim
Mandala 9 · Verse 6
taṁ gobhir vṛṣaṇaṁ rasam madāya devavītaye | sutam bharāya saṁ sṛja
Mandala 9 · Verse 7
devo devāya dhārayendrāya pavate sutaḥ | payo yad asya pīpayat
Mandala 9 · Verse 8
ātmā yajñasya raṁhyā suṣvāṇaḥ pavate sutaḥ | pratnaṁ ni pāti kāvyam
Mandala 9 · Verse 9
evā punāna indrayur madam madiṣṭha vītaye | guhā cid dadhiṣe giraḥ
Mandala 9 · Verse 1
asṛgram indavaḥ pathā dharmann ṛtasya suśriyaḥ | vidānā asya yojanam
Mandala 9 · Verse 2
pra dhārā madhvo agriyo mahīr apo vi gāhate | havir haviṣṣu vandyaḥ
Mandala 9 · Verse 3
pra yujo vāco agriyo vṛṣāva cakradad vane | sadmābhi satyo adhvaraḥ
Mandala 9 · Verse 4
pari yat kāvyā kavir nṛmṇā vasāno arṣati | svar vājī siṣāsati
Mandala 9 · Verse 5
pavamāno abhi spṛdho viśo rājeva sīdati | yad īm ṛṇvanti vedhasaḥ
Mandala 9 · Verse 6
avyo vāre pari priyo harir vaneṣu sīdati | rebho vanuṣyate matī
Mandala 9 · Verse 7
sa vāyum indram aśvinā sākam madena gacchati | raṇā yo asya dharmabhiḥ
Mandala 9 · Verse 8
ā mitrāvaruṇā bhagam madhvaḥ pavanta ūrmayaḥ | vidānā asya śakmabhiḥ
Mandala 9 · Verse 9
asmabhyaṁ rodasī rayim madhvo vājasya sātaye | śravo vasūni saṁ jitam
Mandala 9 · Verse 1
ete somā abhi priyam indrasya kāmam akṣaran | vardhanto asya vīryam
Mandala 9 · Verse 2
punānāsaś camūṣado gacchanto vāyum aśvinā | te no dhāntu suvīryam
Mandala 9 · Verse 3
indrasya soma rādhase punāno hārdi codaya | ṛtasya yonim āsadam
Mandala 9 · Verse 4
mṛjanti tvā daśa kṣipo hinvanti sapta dhītayaḥ | anu viprā amādiṣuḥ
Mandala 9 · Verse 5
devebhyas tvā madāya kaṁ sṛjānam ati meṣyaḥ | saṁ gobhir vāsayāmasi
Mandala 9 · Verse 6
punānaḥ kalaśeṣv ā vastrāṇy aruṣo hariḥ | pari gavyāny avyata
Mandala 9 · Verse 7
maghona ā pavasva no jahi viśvā apa dviṣaḥ | indo sakhāyam ā viśa
Mandala 9 · Verse 8
vṛṣṭiṁ divaḥ pari srava dyumnam pṛthivyā adhi | saho naḥ soma pṛtsu dhāḥ
Mandala 9 · Verse 9
nṛcakṣasaṁ tvā vayam indrapītaṁ svarvidam | bhakṣīmahi prajām iṣam
Mandala 9 · Verse 1
pari priyā divaḥ kavir vayāṁsi naptyor hitaḥ | suvāno yāti kavikratuḥ
Mandala 9 · Verse 2
pra-pra kṣayāya panyase janāya juṣṭo adruhe | vīty arṣa caniṣṭhayā
Mandala 9 · Verse 3
sa sūnur mātarā śucir jāto jāte arocayat | mahān mahī ṛtāvṛdhā
Mandala 9 · Verse 4
sa sapta dhītibhir hito nadyo ajinvad adruhaḥ | yā ekam akṣi vāvṛdhuḥ
Mandala 9 · Verse 5
tā abhi santam astṛtam mahe yuvānam ā dadhuḥ | indum indra tava vrate
Mandala 9 · Verse 6
abhi vahnir amartyaḥ sapta paśyati vāvahiḥ | krivir devīr atarpayat
Mandala 9 · Verse 7
avā kalpeṣu naḥ pumas tamāṁsi soma yodhyā | tāni punāna jaṅghanaḥ
Mandala 9 · Verse 8
nū navyase navīyase sūktāya sādhayā pathaḥ | pratnavad rocayā rucaḥ
Mandala 9 · Verse 9
pavamāna mahi śravo gām aśvaṁ rāsi vīravat | sanā medhāṁ sanā svaḥ
Mandala 9 · Verse 1
pra svānāso rathā ivārvanto na śravasyavaḥ | somāso rāye akramuḥ
Mandala 9 · Verse 2
hinvānāso rathā iva dadhanvire gabhastyoḥ | bharāsaḥ kāriṇām iva
Mandala 9 · Verse 3
rājāno na praśastibhiḥ somāso gobhir añjate | yajño na sapta dhātṛbhiḥ
Mandala 9 · Verse 4
pari suvānāsa indavo madāya barhaṇā girā | sutā arṣanti dhārayā
Mandala 9 · Verse 5
āpānāso vivasvato jananta uṣaso bhagam | sūrā aṇvaṁ vi tanvate
Mandala 9 · Verse 6
apa dvārā matīnām pratnā ṛṇvanti kāravaḥ | vṛṣṇo harasa āyavaḥ
Mandala 9 · Verse 7
samīcīnāsa āsate hotāraḥ saptajāmayaḥ | padam ekasya piprataḥ
Mandala 9 · Verse 8
nābhā nābhiṁ na ā dade cakṣuś cit sūrye sacā | kaver apatyam ā duhe
Mandala 9 · Verse 9
abhi priyā divas padam adhvaryubhir guhā hitam | sūraḥ paśyati cakṣasā
Mandala 9 · Verse 1
upāsmai gāyatā naraḥ pavamānāyendave | abhi devām̐ iyakṣate
Mandala 9 · Verse 2
abhi te madhunā payo 'tharvāṇo aśiśrayuḥ | devaṁ devāya devayu
Mandala 9 · Verse 3
sa naḥ pavasva śaṁ gave śaṁ janāya śam arvate | śaṁ rājann oṣadhībhyaḥ
Mandala 9 · Verse 4
babhrave nu svatavase 'ruṇāya divispṛśe | somāya gātham arcata
Mandala 9 · Verse 5
hastacyutebhir adribhiḥ sutaṁ somam punītana | madhāv ā dhāvatā madhu
Mandala 9 · Verse 6
namased upa sīdata dadhned abhi śrīṇītana | indum indre dadhātana
Mandala 9 · Verse 7
amitrahā vicarṣaṇiḥ pavasva soma śaṁ gave | devebhyo anukāmakṛt
Mandala 9 · Verse 8
indrāya soma pātave madāya pari ṣicyase | manaścin manasas patiḥ
Mandala 9 · Verse 9
pavamāna suvīryaṁ rayiṁ soma rirīhi naḥ | indav indreṇa no yujā
Mandala 9 · Verse 1
somā asṛgram indavaḥ sutā ṛtasya sādane | indrāya madhumattamāḥ
Mandala 9 · Verse 2
abhi viprā anūṣata gāvo vatsaṁ na mātaraḥ | indraṁ somasya pītaye
Mandala 9 · Verse 3
madacyut kṣeti sādane sindhor ūrmā vipaścit | somo gaurī adhi śritaḥ
Mandala 9 · Verse 4
divo nābhā vicakṣaṇo 'vyo vāre mahīyate | somo yaḥ sukratuḥ kaviḥ
Mandala 9 · Verse 5
yaḥ somaḥ kalaśeṣv ām̐ antaḥ pavitra āhitaḥ | tam induḥ pari ṣasvaje
Mandala 9 · Verse 6
pra vācam indur iṣyati samudrasyādhi viṣṭapi | jinvan kośam madhuścutam
Mandala 9 · Verse 7
nityastotro vanaspatir dhīnām antaḥ sabardughaḥ | hinvāno mānuṣā yugā
Mandala 9 · Verse 8
abhi priyā divas padā somo hinvāno arṣati | viprasya dhārayā kaviḥ
Mandala 9 · Verse 9
ā pavamāna dhāraya rayiṁ sahasravarcasam | asme indo svābhuvam
Mandala 9 · Verse 1
somaḥ punāno arṣati sahasradhāro atyaviḥ | vāyor indrasya niṣkṛtam
Mandala 9 · Verse 2
pavamānam avasyavo vipram abhi pra gāyata | suṣvāṇaṁ devavītaye
Mandala 9 · Verse 3
pavante vājasātaye somāḥ sahasrapājasaḥ | gṛṇānā devavītaye
Mandala 9 · Verse 4
uta no vājasātaye pavasva bṛhatīr iṣaḥ | dyumad indo suvīryam
Mandala 9 · Verse 5
te naḥ sahasriṇaṁ rayim pavantām ā suvīryam | suvānā devāsa indavaḥ
Mandala 9 · Verse 6
atyā hiyānā na hetṛbhir asṛgraṁ vājasātaye | vi vāram avyam āśavaḥ
Mandala 9 · Verse 7
vāśrā arṣantīndavo 'bhi vatsaṁ na dhenavaḥ | dadhanvire gabhastyoḥ
Mandala 9 · Verse 8
juṣṭa indrāya matsaraḥ pavamāna kanikradat | viśvā apa dviṣo jahi
Mandala 9 · Verse 9
apaghnanto arāvṇaḥ pavamānāḥ svardṛśaḥ | yonāv ṛtasya sīdata
Mandala 9 · Verse 1
pari prāsiṣyadat kaviḥ sindhor ūrmāv adhi śritaḥ | kāram bibhrat puruspṛham
Mandala 9 · Verse 2
girā yadī sabandhavaḥ pañca vrātā apasyavaḥ | pariṣkṛṇvanti dharṇasim
Mandala 9 · Verse 3
ād asya śuṣmiṇo rase viśve devā amatsata | yadī gobhir vasāyate
Mandala 9 · Verse 4
niriṇāno vi dhāvati jahac charyāṇi tānvā | atrā saṁ jighnate yujā
Mandala 9 · Verse 5
naptībhir yo vivasvataḥ śubhro na māmṛje yuvā | gāḥ kṛṇvāno na nirṇijam
Mandala 9 · Verse 6
ati śritī tiraścatā gavyā jigāty aṇvyā | vagnum iyarti yaṁ vide
Mandala 9 · Verse 7
abhi kṣipaḥ sam agmata marjayantīr iṣas patim | pṛṣṭhā gṛbhṇata vājinaḥ
Mandala 9 · Verse 8
pari divyāni marmṛśad viśvāni soma pārthivā | vasūni yāhy asmayuḥ
Mandala 9 · Verse 1
eṣa dhiyā yāty aṇvyā śūro rathebhir āśubhiḥ | gacchann indrasya niṣkṛtam
Mandala 9 · Verse 2
eṣa purū dhiyāyate bṛhate devatātaye | yatrāmṛtāsa āsate
Mandala 9 · Verse 3
eṣa hito vi nīyate 'ntaḥ śubhrāvatā pathā | yadī tuñjanti bhūrṇayaḥ
Mandala 9 · Verse 4
eṣa śṛṅgāṇi dodhuvac chiśīte yūthyo3 vṛṣā | nṛmṇā dadhāna ojasā
Mandala 9 · Verse 5
eṣa rukmibhir īyate vājī śubhrebhir aṁśubhiḥ | patiḥ sindhūnām bhavan
Mandala 9 · Verse 6
eṣa vasūni pibdanā paruṣā yayivām̐ ati | ava śādeṣu gacchati
Mandala 9 · Verse 7
etam mṛjanti marjyam upa droṇeṣv āyavaḥ | pracakrāṇam mahīr iṣaḥ
Mandala 9 · Verse 8
etam u tyaṁ daśa kṣipo mṛjanti sapta dhītayaḥ | svāyudham madintamam
Mandala 9 · Verse 1
pra te sotāra oṇyo3 rasam madāya ghṛṣvaye | sargo na takty etaśaḥ
Mandala 9 · Verse 2
kratvā dakṣasya rathyam apo vasānam andhasā | goṣām aṇveṣu saścima
Mandala 9 · Verse 3
anaptam apsu duṣṭaraṁ somam pavitra ā sṛja | punīhīndrāya pātave
Mandala 9 · Verse 4
pra punānasya cetasā somaḥ pavitre arṣati | kratvā sadhastham āsadat
Mandala 9 · Verse 5
pra tvā namobhir indava indra somā asṛkṣata | mahe bharāya kāriṇaḥ
Mandala 9 · Verse 6
punāno rūpe avyaye viśvā arṣann abhi śriyaḥ | śūro na goṣu tiṣṭhati
Mandala 9 · Verse 7
divo na sānu pipyuṣī dhārā sutasya vedhasaḥ | vṛthā pavitre arṣati
Mandala 9 · Verse 8
tvaṁ soma vipaścitaṁ tanā punāna āyuṣu | avyo vāraṁ vi dhāvasi
Mandala 9 · Verse 1
pra nimneneva sindhavo ghnanto vṛtrāṇi bhūrṇayaḥ | somā asṛgram āśavaḥ
Mandala 9 · Verse 2
abhi suvānāsa indavo vṛṣṭayaḥ pṛthivīm iva | indraṁ somāso akṣaran
Mandala 9 · Verse 3
atyūrmir matsaro madaḥ somaḥ pavitre arṣati | vighnan rakṣāṁsi devayuḥ
Mandala 9 · Verse 4
ā kalaśeṣu dhāvati pavitre pari ṣicyate | ukthair yajñeṣu vardhate
Mandala 9 · Verse 5
ati trī soma rocanā rohan na bhrājase divam | iṣṇan sūryaṁ na codayaḥ
Mandala 9 · Verse 6
abhi viprā anūṣata mūrdhan yajñasya kāravaḥ | dadhānāś cakṣasi priyam
Mandala 9 · Verse 7
tam u tvā vājinaṁ naro dhībhir viprā avasyavaḥ | mṛjanti devatātaye
Mandala 9 · Verse 8
madhor dhārām anu kṣara tīvraḥ sadhastham āsadaḥ | cārur ṛtāya pītaye
Mandala 9 · Verse 1
pari suvāno giriṣṭhāḥ pavitre somo akṣāḥ | madeṣu sarvadhā asi
Mandala 9 · Verse 2
tvaṁ vipras tvaṁ kavir madhu pra jātam andhasaḥ | madeṣu sarvadhā asi
Mandala 9 · Verse 3
tava viśve sajoṣaso devāsaḥ pītim āśata | madeṣu sarvadhā asi
Mandala 9 · Verse 4
ā yo viśvāni vāryā vasūni hastayor dadhe | madeṣu sarvadhā asi
Mandala 9 · Verse 5
ya ime rodasī mahī sam mātareva dohate | madeṣu sarvadhā asi
Mandala 9 · Verse 6
pari yo rodasī ubhe sadyo vājebhir arṣati | madeṣu sarvadhā asi
Mandala 9 · Verse 7
sa śuṣmī kalaśeṣv ā punāno acikradat | madeṣu sarvadhā asi
Mandala 9 · Verse 1
yat soma citram ukthyaṁ divyam pārthivaṁ vasu | tan naḥ punāna ā bhara
Mandala 9 · Verse 2
yuvaṁ hi sthaḥ svarpatī indraś ca soma gopatī | īśānā pipyataṁ dhiyaḥ
Mandala 9 · Verse 3
vṛṣā punāna āyuṣu stanayann adhi barhiṣi | hariḥ san yonim āsadat
Mandala 9 · Verse 4
avāvaśanta dhītayo vṛṣabhasyādhi retasi | sūnor vatsasya mātaraḥ
Mandala 9 · Verse 5
kuvid vṛṣaṇyantībhyaḥ punāno garbham ādadhat | yāḥ śukraṁ duhate payaḥ
Mandala 9 · Verse 6
upa śikṣāpatasthuṣo bhiyasam ā dhehi śatruṣu | pavamāna vidā rayim
Mandala 9 · Verse 7
ni śatroḥ soma vṛṣṇyaṁ ni śuṣmaṁ ni vayas tira | dūre vā sato anti vā
---- Next Page ----
